Хордлого авсан гурван хүүхдийн бие хүндэвтэр байна
Баян-Өлгий аймгийн Улаанхус сумын цэцэрлэгийн хүүхдүүд хоолны хордлого авсан ба энэ сарын 29-ний 23:00 цагийн байдлаар хордлого авсан хүүхдийн тоо 39 болсон бөгөөд биеийн байдал хүнд, хүндэвтэр байгаа тухай МХЕГ-аас өчигдөр мэдээлсэн. Тэгвэл хордлого авсан хүүхдийн тоо 52 болсон ба тэдний гурвынх нь биеийн байдал хүндэвтэр байгаа тухай ХӨСҮТ-өөс мэдээллээ.
ө
Хүүхдүүдэд халуурах, бөөлжих, гүйлгэх зэрэг эмнэлзүйн шинж тэмдэг илэрсэн байгаа ба сумын эмнэлэг, мэргэжлийн хяналт зэрэг байгууллагын төлөөлөл бүхий Онцгой комисс шаардлагатай арга хэмжээг авч ажиллаж буй юм байна. Аймгийн мэргэжлийн хяналтын газраас хүнсний бүтээгдэхүүний 45 сорьц, гадаад орчны 55 сорьц цуглуулан шинжилж байгаа аж.
б
Өнгөрөгч есдүгээр сард Өлгий сумын зургаадугаар сургуулийн дотуур байрны 99 хүүхэд хоолны хордлого авч байсан. Шинжилгээгээр хүүхдүүд ацетил бүлэг бүхий химийн органик нэгдэл агуулсан бодисонд хордсон нь Шинжлэх ухааны академийн Байгалийн шинжлэлийн нэгдсэн лабораторид хийсэн шинжилгээгээр тогтоогдож байсан билээ.
б
Б.Бэхи
СЭТГЭГДЭЛ БИЧИХ