ОХУ-ын агаарын цэргийн хүчний байлдааны нисэх онгоцууд Европын хойд нутгийн дээгүүр нисэх нь улам идэвхжсэн гэж “НАТО”-ийн Ерөнхий нарийн бичгийн дарга Йенс Столтенберг “AFP” агентлагт ярьжээ. Тэрбээр “Оросын байлдааны онгоцууд хойд Европын нутаг дээгүүр нисэх нь өнгөрсөн жилээс хоёр дахин нэмэгдсэн” гэсэн байна. Столтенберг Оросын дээрх үйлдлийг буруутгаж, Ерөнхийлөгч Путинээс ямар зорилгоор байлдааны онгоцуудыг хөөргөсөн шалтгаанаа тайлбарлахыг шаардсан тухай “www.dailymail.co.uk” мэдээллээ.

1

Балтийн тэнгисийн агаарын орон зайд энэ сарын 28-ны өдөр ОХУ-ын долоон сөнөөгч онгоц ниссэн нь “НАТО”-ийн радарт бичигдсэн юм. Мөн маргааш өдөр нь Оросын байлдааны найман онгоц Норвегийн агаарын хилийг зөрчсөн билээ. Энэ найман онгоцны дунд “Ту-95” бөмбөгдөгч онгоц дөрөв, агаарт цэнэглэгч “Ил-78” онгоц байсан гэж Норвегийн Гадаад хэргийн сайд Эспен Барт Эйдэ мэдэгджээ. “НАТО”-ийн судалгааны төвөөс мэдээлсэнээр “Өнгөрсөн баасан гаригт Португалийн баруун эрэг Атлантын далай дээгүүр Оросын хоёр онгоц ниссэн. Өнгөрсөн сарын 29-ны 19.00 цагийн үед Хар тэнгисийн дээгүүр хоёр бөмбөгдөгч “Ту-95”, хоёр сөнөөгч “Су-27” ниссэн бол маргааш нь Балтийн тэнгис дээгүүр хоёр “МиГ-31”, хоёр “Су-34”, хоёр “Су-24”, нэг “Су-27” онгоц нислэг үйлдсэн” гэжээ.

1

Б.Дэлгэрцэцэг