Хөрш Энэтхэг улсаас татсан цахилгаан шугам сүлжээнд доголдол гарснаас Бангладешт орон даяар цахилгаан хангамж тасалдсан билээ. Эрх баригчид бямба, ням гаригт эрчимтэй ажилласны үр дүнд цахилгаан ханмжийг сэргээж чадсан тухай “Ройтерс” агентлаг мэдээллээ. Нийслэл Дакка хотын иргэд цахилгаан хангамж сэргээсний дараа удирдлагууддаа талархалаа илэрхийлж алга ташсан байна.

1

Эрчим хүчний мэргэжилтнүүд “Цахилгаан дамжуулах нэг шугамд гэмтэл гарснаас гинжин урвалаар бүх цахилгаан станц зогссон” хэмээн ослын шалтгааныг тайлбарласан аж. Бангладеш улс өнгөрсөн аравдугаар сараас эхлэн Энэтхэгээс цахилгаан эрчим хүч авах болсон юм. Ерөнхий сайд Шейх Хасина “Ban 11” сувагт ярилцлага өгөх үеэрээ “Дахин цахилгаан эрчим хүчний доголдол гаргахгүйн төлөө хичээнгүйлэн ажиллах болно” гэж хэлжээ.

1

Б.Дэлгэрцэцэг