Баянзүрх дүүргийн 15 дугаар хороо, 13 дугаар хороллын орчимд төв замын хашлага /боржур/ сольж байгаа нь төрийн мөнгийг шаардлагагүй ажилд хяналтгүй зарцуулж байгаагийн нэг хэлбэр хэмээн иргэд бухимдаж байгаа.

d

Энэ талаар Улаанбаатар нэгтгэл ОНӨААТҮГ-ын менежерээс тодруулахад, “Баянзүрх дүүргийн нутаг “Натур” худалдааны төвийн арын зам буюу Дамдинсүрэнгийн гудамжны 2400 метр газрын замын хашлага солих ажлыг Нийслэлийн Авто замын газрын захиалгаар“Улаанбаатар нэгтгэл” ОНӨААТҮГ-аас “Жи Жи Си”, “Алтай роуд” гэсэн хоёр компанитай гэрээлж хийлгэсэн. Манайхтай гэрээ хийсэн компаниуд нь гэрээт ажилчдаар замын хашлага /боржур/ солих ажлыг хийлгэсэн бололтой юм билээ” гэдгээс өөр хариулт өгсөнгүй.

d

Харин иргэдээс ирүүлсэн гомдлын дагуу замын хашлага /боржур/ сольсон газруудыг очиж үзэхэд ажлын гүйцэтгэл маш тааруухан хийгдсэн нь харагдаж байсан. Хуучин байсан замыг шинэчилж хийсэн гэх боловч шинээр тавьсан замын явган хүний замыг бүрэн засч янзлаагүй. Замын хашлага /боржур/ явган хүний зам хоёрын дундах зайг нөхөж, бөглөөгүйгээс шороо тоос босдог. Хамгийн гол нь хашлагыг нь шинэчилсэн явган хүний зам нь өмнөхөөсөө нарийхан болсонд иргэд оршин суугчид бухимдаж байв гэж БЗД-ийн Хэвлэл мэдээлэл олон нийттэй харилцах албанаас мэдээлэв.

а