Хойд Солонгосын шоронд ял эдэлж байсан АНУ-ын иргэн Кеннет Бэй  болон Тод Миллер  суллагдсан тухай “www.dailymail.co.uk” мэдээллээ. Кеннет Бэй  2012 оны арваннэгдүгээр сарын 22-нд Хойд Солонгост жуулчлалаар очоод удалгүй баригдсан юм. Тус улсын шүүх түүнийг нууцаар зураг авсан, нууцлалын зэрэгтэй материал хулгайлсан хэмээн буруутгаж, 15 жилийн хорих ялаар шийтгэсэн билээ. Харин Миллер өнгөрсөн наймдугаар сард тус улсын хуулийг зөрчсөн хэргээр зургаан жилийн хорих ялаар шийтгүүлсэн юм.  Өнгөрсөн сарын эхээр Хойдод хоригдож байсан АНУ-ын иргэн Жеффри Фаул суллагдсан билээ. “Ройтерс” агентлагийн мэдээлсэнээр “АНУ-ын Үндэсний тагнуулын албаны дарга Жеймс Клеппер Хойдын удирдагч Ким Чен Унд Ерөнхийлөгч Барак Обамагийн захиаг хүлээлгэн өгсний дараа Кеннет Бэй, Тод Миллер  нар суллагдсан” гэв.

Б.Дэлгэрцэцэг