Пакистаны хэт даврагч “Талибан” бүлэглэлийн тэргүүн Мухамид Ома Иракийн хэт даврагч “Халифын вант улс” бүлэглэлтэй нэгдэх санал гаргасан тухай  “www.dailymail.co.uk” мэдээллээ. Тэрбээр өнгөрсөн есдүгээр сард тус бүлэглэлийн тэргүүн Бакар аль-Багдадид видео бичлэг илгээж, дэмжиж буйгаа мэдэгдсэн билээ. Ома хоёр бүлэглэл хамтарч Ирак, Сири, Йордон, Пакистанд хяналтаа тогтоохыг уриалсан удаатай. Тэгвэл “Талибан” бүлэглэлийн тэргүүн “Халифын вант улс” бүлэглэлтэй нэгдэх хүсэлтээ гаргаж, 10 гаруй итгэмжилсэн төлөөлөгчөө Ирак руу илгээснээ мэдэгдсэн байна.

1

АНУ-ын Засгийн газар дээрх бүлэглэлүүд хамтран ажиллаж эхэлвэл Иракийн хувь заяа тодорхойгүй болно гэжээ. “НАТО” өчигдөр Ойрхи Дорнод болон Африкт эрхээ тогтоогоод буй зэвсэгт бүлэглэлүүдээс хамгийн баян, хүчирхэг бүлэглэлийг “Халифын вант улс” гэсэн юм. Тус бүлэглэл долоо хоногт 5-6 сая ам.долларын ашигтай ажилладаг аж. Тэд Иракийн газрын тосны хэд хэдэн ордод хяналтаа тогтоогоод буй.

“Халифын вант улс” бүлэглэл 40-60 мянга гаруй дайчинтай бол “Талибан” бүлэглэл 20-30 мянга гаруй дайчинтай гэж Пентагоны тэргүүн Чак Хайгл мэдэгджээ.

1

Б.Дэлгэрцэцэг