Иракийн хэт даврагч “Халифын вант улс” бүлэглэл өчигдөр 17.00 цагийн үед барьцаанд байгаа АНУ-ын иргэн, 26 настай Питер Кэссиг гэгчийг цаазалж буй бичлэгээ олон нийтийн сүлжээнд байршуулсан билээ.  Хэт даврагчид АНУ, Британийн Засгийн газрыг Иракт агаараас өгч буй цохилтоо зогсоохыг шаардаж, Питер Кэссигийн аминд хүрсэн гэдгээ мэдэгджээ. Тус бүлэглэлийн тэргүүн Бакар аль Багдади “Тун удахгүй АНУ, Британийн иргэд үхэх болно” гэсэн тухай “www.dailymail.co.uk” мэдээллээ.

1

Дээрх явдлын дараа амиа алдсан Питер Кэссигийн ээж Луван Кэссиг “Хүүгийн минь амийг АНУ-ын Ерөнхийлөгч Барак Обама төлөх ёстой. АНУ хүчтэй биш, аймхай улс” гэж хэлжээ. Тэрбээр “Хүү минь дэндүү эрт хорвоогоос явлаа. Амиа алдахаасаа өмнө ямар их зовж, шаналсан бол. Хүүгийн минь амийг Обама төлөх ёстой. Буруу төрийн бодлогоос болж олон хөвгүүд хэт даврагчдын гарт амиа алдлаа. Энэ бүхэн хэзээ зогсох вэ” хэмээсэн байна. Питер Кэссиг 2007 онд Иракт цэргийн алба хаажээ. Тэрбээр өнгөрсөн жил Ливан дахь Сирийн дүрвэгсэдэд туслахаар очих үедээ хэт даврагчдад барьцаалагджээ.

1

Б.Дэлгэрцэцэг