Биеэ үнэлэгч эмэгтэйчүүдийн амьдралыг харуулна
Монголын залуучуудын холбооны дэргэдэх “Залуу эмэгтэйчүүд”-ийн клуб Олон Улсын ДОХ-ын эсрэг өдрийг тохиолдуулан үзэгчиддээ “Лаа” сэтгэхүйн эротик драмын жүжгээ хүргэхээр төлөвлөжээ. Энэхүү жүжгийн зохиолч, найруулагчаар Ж.Уранцацрал ажиллаж, гол дүрүүдэд М.Энхзаяа, Б.Тэлмэнпүрэв, Э.Мөнхдалай, Б.Хэрлэн нар тоглосон байна.
s
“Лаа” жүжиг нь эмэгтэйчүүдийн өмнө тулгардаг олон саад бэрхшээлүүд болон нийгэмд тодорхой хувийг эзлээд байгаа биеэ үнэлэгч залуу эмэгтэйчүүдийн бодит амьдралыг хөндөн гаргаж байгаа аж. Мөн уг жүжигт биеэ үнэлэгч эмэгтэйчүүдийг сэтгэл зүйн хувьд ойлгох, тэдний эрхэнд хүнлэг бусаар хандаж буй явдлыг тод үзүүлэх юм байна.
s
Хамгийн гол нь залуу бүсгүйчүүдийг энэ замруу орохоос сэргийлж, нийгмийн томоохон асуудлуудын нэг болсон биеэ үнэлэлтийг бууруулахад томоохон хувь нэмэр оруулахуйц жүжиг хэмээн уран бүтээлчид нь өгүүлж байна. Уг жүжиг нь Тусгаар тогтнолын ордны их танхимд 12 сарын 1,2 нд 19:00 цагаас тоглогдох бөгөөд тоглолтын тасалбарыг Тусгаар тогтнолын ордны касс, Монголын Залуучуудын Холбооны байрнаас авах боломжтой гэнэ.
s
П.Наран
СЭТГЭГДЭЛ БИЧИХ