АНУ-ын Миссури мужийн Фергюсон хотын иргэн Майкл Браун өнгөрсөн наймдугаар сарын 12-нд цагдаагийн ажилтан Деррин Уэлсоны бууны суманд оногдож амиа алдсан юм. Энэ сарын 25-нд Деррин Уэлсоны шүүх хурал Миссури мужийн Сэйнт Луйс хотын шүүхэд болсон ч тэрбээр ял аваагүй билээ. Шүүхийн шийдвэрийн дараа иргэд уурсан бухимдаж, хотод эмх замбараагүй байдал үүсгэсэн юм. Жагсагчид замдаа тааралдсан цагдаагийн ажилтны машиныг шатааж, дургүйцлээ илэрхийлсэн аж. Тус улсын Ерөнхийлөгч Барак Обама Фергюсон хотод болж буй үйл явдлын улмаас мэдэгдэл хийсэн тухай “www.dailymail.co.uk” мэдээллээ. Тэрбээр “Майкл Браун хүүгийн хойноос маш их гашуудаж байна. Тэгэхдээ бид гашуудлаа эсэргүүцлийн жагсаал, уур хилэнгээр тайлж болохгүй. Бид эвтэй байх хэрэгтэй. Тиймээс нэн даруй жагсаал, цуглаанаа цуцалж, тайвшир” гэж хэлжээ.

1

Миссури мужийн захирагч Жей Никсон дээрх үйл явдлын улмаас Үндэсний хамгаалалтын 2200 цэргийг илгээж, хотод эмх журам тогтоохоо мэдэгдсэн юм. Тэрбээр “Фергюсон хотод дахин байшин шатахыг харах хүсэлгүй байна. Тиймээс дээрх шийдвэрийг гаргасан. Амиа алдсан Майкл Брауны гэр бүлд дахин эмгэнэл илэрхийлье” гэсэн байна.

1

Б.Дэлгэрцэцэг