Сахиусан тэнгэр Хайди Клум найз залуугаасаа салсан тухай “www.dailymail.co.uk” мэдээллээ. Тэрбээр өнгөрсөн жилээс өөрөөсөө 15 насаар дүү Вито Шнабель гэгчтэй үерхэх болсон юм. Тэднийг салсан шалтгаан нууц хэвээр байгаа ч Хайди өнгөрсөн баасан гаригт “Ellen show”-д оролцох үеэрээ “Хууралтаас залхаж байна. Миний эргэн тойрон хууралтаас бүрдэж байгаад залхаж байна” гэж хэлжээ. Гэрчүүд “Өнгөрсөн долоо хоногийн эхээр тэд салцгаасан” гэж ярьсан байна.

1

Вито өнгөрсөн тавдугаар сард Нью Йорк хотод байрлах Хайдигийн харшид хамт амьдрах болсон ч саяхан тэндээс нүүсэн байна. Хосыг энэ наймдугаар сард сүй тавьцгаасан хэмээн хэвлэлүүд мэдээлж байсан ч Хайди батлаагүй билээ. Тэрбээр “Вито Шнабель үнэхээр сайхан залуу. Тэгэхдээ би дахин гэрлэхийг хүсэхгүй байна” гэж хэлсэн юм.

1

Б.Дэлгэрцэцэг