УИХ-ын гишүүн, НАМЗХ-ны ерөнхийлөгч Н.Номтойбаяр өнөөдөр тус намаас зохион байгуулдаг “Алтан сарнай” наадмын талаар мэдээлэл хийлээ. Он солигдох мөчид салбар бүрийн оны шилдэг, онцлох хүмүүсээ тодруулж олон нийтэд танилцуулдаг тус наадмыг Нийгмийн Ардчилал Монголын Залуучуудын Холбооноос 14 дэх жилдээ зохион байгуулж байгаа юм. Тус наадам жил бүр өөрийн гэсэн өнгө төрх, өвөрмөц онцлогоороо ялгардаг бөгөөд энэ жилийн наадмыг үндэсний үйлдвэрлэлээ дэмжиж, “Бид нэг Монгол” уриан дор зохион байгуулах аж.

s

Монгол хүний үнэ цэнийг өргөж, шинэ цагийн Монгол Улсын шилдэг төлөөлөл болж, салбартаа тэргүүлэгч оны онцлох хүнийг олон нийтийн нээлттэй санал асуулгаар шалгаруулан урамшуулж, ажил үйлсийг нь нийтэд сурталчилдаг. Энэ жил www.altansarnai.mn сайтаар дамжуулан долоон салбарын шилдгүүдийг олон нийтийн санал асуулгаар тодруулна. Тухайлбал:

1.     Шинжлэх ухааны салбарын оны онцлох хүн

2.     Соёл урлагийн салбарын оны онцлох хүн

3.     Спортын салбарын оны онцлох хүн

4.     Нийгэм, улс төрийн салбарын оны онцлох хүн

5.     Хүмүүнлэгийн салбарын оны онцлох хүн

6.     Бизнесийн салбарын оны онцлох хүн

7.     Дэлхийн монгол хүн гэсэн номинациудаар шалгаруулна хэмээн УИХ-ын гишүүн, НАМЗХ-ны ерөнхийлөгч Н.Номтойбаяр, тус холбооны Удирдах зөвлөлийн гишүүн Н.Мөнгөнчимэг нар мэдээллээ.

a

Мөн энэ үеэр УИХ-ын гишүүн Н.Номтойбаяр “Оны шилдэгийг шалгарууладаг энэ наадам манай намын гишүүд оролцдог ч  гэлээ Монгол Улсын хөгжлийн төлөө улстөрийн намууд хамтран ажиллахаар болж байна. Тиймээс бид ч гэсэн энэ хүндэтгэлтэй наадмаа өмчилөхийг хүссэнгүй. Улстөрийн намуудын удирдлагуудыг урьж оролцуулахаар урилга явуулаад байна. Яагаад гэвэл бид Монгол гэсэн нэг л нэртэй” хэмээн онцоллоо.

a

П.Наран