Йемений нийслэл Сана хотод өнгөрсөн оны наймдугаар сард хулгайлагдсан, АНУ-ын иргэн, гэрэл зурагчин33 настай Люк Сомерсыг террорист “Аль-Каида” бүлэглэлийн гишүүд цаазлахаа мэдэгдсэн тухай“Itar-tass.com” мэдээллээ. Өчигдөр тус бүлэглэлийн тэргүүн Аяман аль Завахири АНУ-ын Засгийн газарт хандаж, Люк Сомерсыг цаазлахаа мэдэгдэж, видео бичлэг илгээжээ. Тэрбээр “Обама хэт даврагчдын эсрэг явуулж буй цэргийн ажиллагаагаа нэн даруй цуцлахгүй бол барьцаанд байгаа Люк Сомерсыг цаазалж, толгойг нь АНУ руу илгээх болно. Иргэнээ аврахад чинь гурав хоногийн хугацаа олгож байна” гэж мэдэгджээ.

Завахири мэдэгдлийнхээ төгсгөлд Сомерсын дүрс бичлэгийг харуулсан байна. Тэрбээр “Намайг авраач. Би гэр бүлийнхэндээ санаа зовж байна. Би гэртээ харихыг хүсч байна. АНУ-ын Засгийн газар иргэнээ хамгаалахын хүсье” гэж хэлжээ. Энэ оны эхээр АНУ-ын тусгай баг Сомерсыг суллах тусгай ажиллагаа явуулсан ч бүтэлгүйтсэн юм.

Б.Дэлгэрцэцэг