Бээжингийн удирдлагууд барууны орнууд болон хэвлэл мэдээллийн хэрэгслийн ажилчдыг ардчиллын төлөө тэмцэж буй Хонконгийн оюутнуудыг өдөөн турхирахгүй байхыг уриалав. Хятадын Гадаад хэргийн сайд Ван И мэдэгдэхдээ “Хонконгийн оюутнуудын шаардлага хууль бус. Хууль бус шаардлагыг хуулийн дагуу гэж мэдээлж буй барууны хэвлэл мэдээллийн хэрэгслүүдийг буруутгаж байна. Та бүхэн мэдээллээ хянаж, нэг талд үйлчлэхгүй байхыг хүсье” гэжээ.

Өнгөрсөн сарын эхээр Хонконгийн захирагч Лин Чун-Иен “Шүхэрт хувьсгалыг Европын орнууд санхүүжүүлж, “ВВС”,“CNN”,“AFP”тэргүүтэй агентлагууд оюутнуудыг жагсаалд уриалан дуудсан мэдээ, мэдээлэл цацаж байна” хэмээн буруутгасан билээ. Дээрх мэдэгдлийнхээ дараа захирагч “ВВС”агентлагийн цахим хуудсыг тодорхойгүй хугацаагаар хаасан юм. Харин Хонконгийн их сургуулийн оюутны холбооны дарга Алекс Чоу захирагчийн мэдэгдлийг үгүйсгэсэн удаатай.

Б.Дэлгэрцэцэг