Реппер Жей Зи болон дуучин Бейонсигийн охин Блю Айви нууц авьяасаа олонд гайхуулсан тухай “www.globalpost.com” мэдээллээ. Тэрбээр өчигдөр аав, ээжийнхээ хамтаар Нью Йорк хотод байрлах их дэлгүүрээс гарч явахдаа тэнд цугларсан хэвлэлийнхэнд зориулж дуулжээ. Блю охин дуучин Мэрайя Кэригийн “All I Want For Christmas” дууны эхний хоёр бадгийг дуулсан аж.

“Блю Айви охин ээж шигээ гайхалтай хоолойтой” хэмээн “Apple”сэтгүүлийн сурвалжлагч “TMZ”сайтад ярьжээ. Тэрбээр “Жей Зигийн охин авьяастай. Яг л ээж шигээ гайхалтай дуулдаг юм байна лээ. Би их гайхсан. Жей Зи болон Бейонсигийн авьяас охинд нь өвлөгджээ” гэжээ.

Өнгөрсөн долоодугаар сард Жей Зи, Бейонси нар “On the run” хэмээх аялан тоглолтоо хийсэн билээ. Энэхүү тоглолтын үеэр Бейонси охинтойгоо “Halo”,“Single ladies” дууг хамтран дуулж байжээ.

Б.Дэлгэрцэцэг