УИХ-ын дарга З.Энхболд, Боловсрол, шинжлэх ухааны сайд Л.Гантөмөр нар өнөөдөр Өсвөрийн зохион бүтээгчдийн ерөнхий боловсролын лаборатори ахлах сургуулийн нээлтэд оролцож, сургуулийн үйл ажиллагаатай танилцлаа. УИХ-ын дарга З.Энхболд энэ үеэр “Инноваци, бүтээлч сэтгэлгээг хөгжүүлэх, шинийг эрэлхийлэхийг улс бодлогоор дэмжих ёстой. Монгол Улсын өнөө, ирээдүйн хөгжил цэцэглэлтийг зохионбүтээгчид бүтээн байгуулна гэдэгт би итгэдэг. Тиймээс инженерийн мэргэжлийг сонгон суралцах хүүхдүүдийг багаас нь бэлтгэх, тэдний техникийн боловсрол, сэтгэлгээг хөгжүүлэх орчныг бүрдүүлэх шаардлагатай. Харин өнөөдөр БШУ-ны сайд Л.Гантөмөр үүнийг ажил хэрэг болгож, өсвөрийн зохион бүтээгчдийн сургууль нээгдэж байгаад баяртай байна” хэмээн онцолсон юм.

й

БШУ-ны сайд Л.Гантөмөрийн хэлсэнээр тус сургуулийг удахгүй цахим лабораторитой болгох юм байна. Ингэснээр манай сурагчид гадаадын зохион бүтээгчдийн сургуулийн сурагчидтай хамтарч, хамтын бүтээл гаргах боломж бүрдэх юм.

й

Өсвөрийн зохион бүтээгчдийн ерөнхий боловсролын лаборатори ахлах сургуульнь 2014 оны наймдугаар сарын 28-ны БШУ-ны сайдын тушаалаар ахлах сургууль болж, 2014-2015 оны хичээлийн жилээс эхлэн математик, англи хэлээр гүнзгийрүүлсэн сургалтын хөтөлбөр хэрэгжүүлэхийн зэрэгцээхувцас дизайн, график дизайн, авто, усан загвар, нисэх загвар, робоком электроник, хими технологи, архитектур, интерьер дизайн, үсчин, гоо сайхны чиглэлээр мэргэжлийн чиг баримжаа олгох төрөлжсөн сургалтуудыг явуулж эхэлсэн байна. Тус сургуульд одоогоор нийт 430 гаруй сурагч 7-11 дүгээр ангид суралцаж байгаагаас 100 орчим сурагч мэргэжлээ сонгон суралцаж байна.

й

П.Наран