Дөнгөж сая Хүнс, хөдөө аж ахуйн сайдад нэр дэвшсэн УИХ-ын гишүүн Р.Бурмааг чуулганаар хэлэлцэж, сайдаар томиллоо. Түүнийг томилох асуудлаар гишүүд асуулт асуусангүй санал хэллээ. Тухайлбал, Л.Энх-Амгалан гишүүн Монгол мал хөтөлбөрийг  хэрэгжүүлэхэд анхаарах хэрэгтэй, Атрын 3-р аянг үргэлжлүүлж хувиараа тариалалт эрхлэлж байгаа хүмүүсийг дэмжих хэрэгтэй  гэдгийг онцлов.  Ё.Отгонбаяр гишүүн бэлчээрт анхаарах ёстойг хэлж байлаа.

й

Г.Уянга гишүүн дэмжиж байгаа илэрхийлээд  эмэгтэй гишүүнээ бодлогоор дэмжиж байгаа. Нэг талаас давхар дээл гэж шүүмжилж байгаа ч хэн нь хэн бэ гэдгийг таних арга бол сайдын суудал.  Тэгээд өнөөдөр  хэн бэ гэдгийг сайдын ажлаараа баалж байгаа хүмүүст харуулаарай  гэж хэлмээр байна. Бурууд нүд хурц, хэлэх гэснээ хэлдэг шударга зангаа харуулсай гэж хүсэж байна гэлээ.

й

А.Бакей гишүүн холыг харж, ухаалаг ажиллаасай. ХХАА-н салбарыг гадарладаг хүний хувьд Р.Бурмаа  гишүүнд хандаж хэлэхэд хүнд, хэцүү салбар шүү. Салбарынхаа малчид, тариаланч, хүнсчид, ХАА-н салбарын мэргэжилтний үгийг, яамны мэргэжилтний үгийг  маш сайн сонсож ажиллах хэрэгтэй гэлээ.

й

УИХ-ын гишүүд үг хэлсний дараа санал хурааж, 91.5 хувиар Р.Бурмааг ХХАА-н сайдад томиллоо. Тэрбээр Удирдлагын ухааны магистр цолтой, болгар, орос, англи хэлтэй. ШУА-ийн Физикийн хүрээлэнд эрдэм шинжилгээний ажилтан, Монел фирмд зохион бүтээгч инженер, Нийгмийн Дэвшил Эмэгтэйчүүд хөдөлгөөний тэргүүн, Хүүхдийн төлөө төвийн дарга, Сонгогчдын Боловсрол төвийн тэргүүн, Сонгуулийн Ерөнхий Хорооны гишүүн, Олон Нийтийн Радио Телевизийн Үндэсний зөвлөлийн гишүүн, Монгол Улсын Ерөнхийлөгчийн орон тооны бус зөвлөх, Авлигатай тэмцэх газрын дэргэдэх Олон нийтийн зөвлөлийн гишүүнээр тус тус ажиллаж байсан. 2012 оноос УИХ-ын гишүүнээр сонгогдон улмаар Өргөдлийн байнгын хорооны даргаар ажиллаж байгаа юм.

й

П.Наран