УИХ чуулганаар дөнгөж сая Монгол Улсын сайдад нэр дэвшсэн М.Энхсайханыг хэлэлцэж, гишүүдийн 94.9 хувийн саналаар дэмжиж баталлаа. “Портвелгүй” сайд хэмээн нэрлэгдээд буй түүний ажил үүрэг нь Монгол улсын эдийн засагт эерэг өөрчлөлт авчрах томоохон хуулийн төслүүдийг хариуцан ажиллах юм.

й

Чуулганы үеэр гишүүд Ерөнхий сайд Ч.Сайханбилэг болон нэр дэвшигч М.Энхсайхан нараас асуулт асууж хариулт авлаа. Тухайлбал,

й

УИХ-ын гишүүн Д.Лүндээжанцан: Яамгүй сайд ямар ажил хийх юм бэ? Ерөнхий сайд Ч.Сайханбилэг: 12-р сарын 4-ны өдөр энэ асуултыг ярьж, хөндөж ярьсан.  Бид нар маргааш шинэ бүрэлдэхүүнээрээ ЗГ-ын анхны  хуралдаанаа хийнэ. Рио Тинтогийн төлөөлөгчид Улаанбаатарт ирсэн байгаа. Энэ мэтээр ажлуудаа эхнээс нь хийх болно. й УИХ-ын гишүүн Н.Батцэрэг: Эрчим хүч, уул уурхай, дэд бүтэц гээд бусад яамдын чиг үүрэгт хамаардаг ажлууд байгаа. Эдгээр яамдуудын сайд нартайгаа хэрхэн зохицож ажиллах юм бэ? Ерөнхий сайд Ч.Сайханбилэг: Дахиад ярьж байсан асуудал байна. Бид асуудлыг  УИХ дээр биш Засгийн газар дээрээ хэлэлцээд зохицуулна. М.Энхсайхан: Шинэ өдрийн мэнд хүргэе.  Яамгүй сайд гэдэг нь бидний хувьд шинэ туршилт. Салбарынхаа сайдуудтай нягт холбоотой ажиллана. й УИХ-ын гишүүн Д.Тэрбишдагва: Ойлгомжгүй л юм яриад байгаа юм. Ерөнхий сайд мэднэ, засаг дээр зохицуулна гээд байгаа.  Оюутолгойгоос өөр ямар мега төсөл байгаа юм? Ерөнхий сайд Ч.Сайханбилэг: Би  одоо дахиад яръя.  Орой болсон байхад цаг авахаасаа санаа зовоод байна.  УИХ дээр оруулж ирж ярина, Засгийн газар дээр ч гэсэн ярих болно. й Гишүүдийн асуулт асуусны дараа УИХ-ын гишүүд саналаа хэлсэн.  Тухайлбал, й УИХ-ын гишүүн Ц.Нямдорж:  Ч.Сайханбилэг сайдаа, энэ сул сайдын асуудлаар Засгийн газрын хэмжээнд өөрчлөлт орох байх.  Тэгэхгүй бол давхардаад ажил нь явахгүй дээ.  М.Энхсайхан сайд томилогдоод л түмэн асуудал цуварна. Сайд нар хоорондын асуудал, ажлын доголдол үүсэх магадлал өндөр байна.  Тэгэхээр ажлыг нь хумисан хууль оруулж ирээрэй, бодолцоорой. й УИХ-ын гишүүн М.Зоригт: Засгаас улс орны асуудлыг УИХ дээр шахаад шахаад оруулаад ирэх хэрэгтэй. Тэгвэл  УИХ өнөөдөр шиг өдөржин шөнөжин хуралдах цаг ирэх байх. й УИХ-ын гишүүн Л.Эрдэнэчимэг: Таны барьж авах олон төсөл байгаа. Бидний хайж олох нэг төсөл бол агаарын бохирдлыг бууруулах төсөл. Агаарын бохирдлыг бууруулах гэж мөнгө их зарцуулсан ч үр дүнгүй байна. Тиймээс энэ чиглэлд анхаарч ажиллаарай хэмээн үг хэлж, санал хураалт явуулснаар М.Энхсайхан Монгол Улсын сайд болов. өб Ийнхүү УИХ –ын өнөөдрийн чуулганаар Засгийн газрын гишүүднэр дэвшигчдийг хэлэлцэж баталсанаар Ерөнхий сайд Ч.Сайханбилэгийн танхимд ажиллах шинэ сайд нар томилогдлоо.

ЧБЯ

Хуралдааны төгсгөлд УИХ-ын дарга З.Энхболд Ерөнхий сайд асан Н.Алтанхуягийн танхимд ажиллаж байсан сайд нарыг Засгийн газрын гишүүнээс чөлөөлөх тогтоолын төслийг танилцууллаа.

Я

П.Наран