Холливуудын нэрт жүжигчин Мил Гебсоны “www.hollywoodreporter.com” сайтад ярилцлага өгчээ.

.

-Таны тоглож буй “Blood Father” кино ирэх оны эхээр нээлтээ хийнэ гэсэн. Энэ үнэн үү?

-Ирэх оны эхээр бус оны сүүлчээр дэлгэцнээ гарна. Зураг авалт 25 хувьтай л явагдаж байгаа. Киноны эхний тизер гарчихсан.

1

-Киноны үйл явдлын тухай яриач?

-Кино өнгөрсөн, ирээдүйд өрнөхгүй. Одоо үеийг харуулах болно. Энэ кино эхлэл болон төгсгөл хэсэгтээ ганцаардлыг үгүйлэх болно. Хүн яагаад ганцаарддаг гэдгийг хэн ч мэдэхгүй. Бид өөрсдөө ч мэддэггүй. Эхнэргүй мөртлөө охинтой. Охиноо мартсан, арчаагүй аавын дүр гэхэд болно. Охин нь муу залуустай нөхөрлөж, барьцаалагдсаны дараа ухаан орох мунхаг аавын дүр. Киноны үйл явдал аавын тухай өгүүлэх болно.

1

-Таны тоглосон бүх уран бүтээл амжилт олдог. Тэгэхээр та мундаг, агуу жүжигчин гэсэн үг үү. Үзэгчид яагаад таны тоглосон киног үзэхийн тулд тасалбар авдаг юм бол?

-Мундаг. Үнэнийг хэлэхэд, энэ ямар утгатай үг гэдгийг нь сайн мэдэхгүй байна. Түүхэнд л агуу хаан гэж гардаг. Одоо үед “агуу” гэх үгийг ашиглах нь зохимжгүй байх. Үзэгчид надад хайртай байдаг шалтгаан нь “сайхан, чадварлаг” гэх үгтэй шууд холбоотой байх. Миний нүүрэнд нэгээс олон үрчлээ бий. Тэгэхдээ би дэлгэцэнд сайхан харагддаг юм шүү. Хэрвээ би дэлгэцэнд сайхан гарч, дүрээ чадварлаг бүтээж чаддаггүй байсан бол найруулагчид кинондоо урихгүй биз дээ.

1

-1990 оны эхээр та найруулагчийн ажил эрхлэх болсон. Өөрөө ч олон кино найруулж, найруулсан киноныхоо гол дүрийг та бүтээдэг. Тэгэхээр та өөртөө дурлачихсан гэсэн үг үү. Нэг бол өөрийнхөө чадварт дэндүү итгэдэг гэсэн үг үү?

-Ээ бурхан минь. Олон ч хүн надаас “Жүжигчин мөртлөө яагаад найруулагч болсон юм бэ” гэж асуудаг. Би хариуд нь “Хоёр зүйлийн төлөө би найруулагч болсон” гэдэг. Нэгд, би найруулагч болохыг мөрөөддөг байсан. Хоёрт, би найруулсан кинондоо тоглохыг мөрөөддөг байсан.

1

-Та өөрийнхөө жүжиглэх ур чадварыг 0-10 оноогоор үнэлбэл?

-9.5 оноо.

1

-Яагаад вэ?

-Би олон төрлийн дүрийг дэлгэцнээ амьдруулсан ч сэтгэл дотроо мөрөөддөг тэр дүрээ хараахан амилуулаагүй байна.

1

-Мөрөөдлийнхөө дүрийн тухайд?

-Би сайн мэдэхгүй. Би одоо хүртэл өөрийгөө ямар дүрд тоглохыг хүсдэгээ мэдэхгүй байна. Надад сайн зохиолууд ирдэг ч “гайхалтай” гэх зохиол хараахан ирээгүй байна.

1

-Та 20 настайдаа юуны тухай мөрөөддөг байсан вэ?

-20 настайдаа би сансрын нисгэгч, тогооч, цахилгаанчин, дуучин болохыг мөрөөддөг байсан. Би их боддог хүүхэд байсан. Шалтгалтын үеэр би ихэнх хугацаагаа бодсоор байгаад хоосон цаас хураалгадаг байсан. Хөвгүүд хоорондоо дурлалын тухай ярилцдаг байхад би ертөнцийн мөхлийн тухай боддог байсан.  Үнэхээр хөгжилтэй. Ихэнх хүнд багаасаа найзалсан, үерхсэн хүмүүс байдаг. Харин надад найз байдаггүй. Заримдаа гайхдаг л юм.

1

-Танд найз огт байдаггүй гэж үү?

-Одоо бол өөр хэрэг. Би 30, 40 жилийн өмнөх үеийг ярьж байна. Асуултаа мартаад байна уу даа.

1

-Үгүй дээ. Та өнгөрсөн жилээс АНУ-ын Кино урлагийн их сургуульд лекц унших болсон гэсэн. Ажлаа үргэлжлүүлж байгаа юу?

-Үргэлжлүүлж байгаа. Холливуудад маш олон чадварлаг жүжигчин байна. Бүгд хонь шиг дөлгөөхөн, намуухан. Холливуудад нэг л зүйл үгүйлэгдээд байна. Чоно үгүйлэгдээд байна. Надад чоно шиг хурц, жүжиглэлттэй жүжигчин хэрэгтэй байна. Тиймээс л би нуугдаж буй авьяасыг нээхийн тулд лекц уншиж байна.

1

-Холливуудын жүжигчид бүгдээрээ хонь гэсэн үг үү?

-Хонь хүний үгэнд сайн ордог. Холливуудын жүжигчид ч найруулагчдын үгэнд сайн орж, дүрээ бүтээдэг. Утга нэг байхаа.

1

Б.Дэлгэрцэцэг