Ардчилсан намын Гүйцэтгэх зөвлөлийн хуралдаанаар дэд сайдуудын нэрсээ тодрууллаа. УИХ-д суудалтай намуудтай хийсэн зөвшилцлөөр Ардчилсан нам Сангийн яам, Батлан хамгаалахын яам, Барилга хот байгуулалтын яам, Зам тээврийн яамдад дэд сайд нараа томилохоор болсон билээ.

ы

Тэгвэл өнөөдрийн Гүйцэтгэх зөвлөлийн хуралдаанаар  Сангийн дэд сайд С.Пүрэв, Зам, тээврийн дэд сайдад Х.Ержаныг, Батлан хамгаалахын дэд сайд А.Баттөрийг, Эрчим хүчний дэд сайдад СХД-ийн АН-ын дарга Ө.Пүрэвбаатарыг, Барилга, хот байгуулалтын дэд сайдад Г.Байгальмаа нарыг томилохыг дэмжсэн байна.

й

Харин Эрүүл мэнд спортын яам нь хоёр дэд сайдтай ажиллах юм байна. Нэг дэд сайдыг АН-аас томилж байгаа аж. Тодруулбал, Автотээврийн үндэсний төвийн захирал, СХД-ээс НИТХ-ын тэргүүлэгчээр сонгогдон ажиллаж байгаа Т.Болдбаатарыг спорт хариуцсан дэд сайдаар томилохыг Ардчилсан намын гүйцэтгэх зөвлөлөөс дэмжсэн ажээ.

й

Өнөөдөр зарлагдсан Засгийн газрын ээлжит бус хуралдаанаар намуудаас ирүүлсэн дэд сайдуудын нэрсийг хэлэлцэж шийдвэрлэнэ.

й

П.Наран