МАН-ын Ерөнхий нарийн бичгийн дарга Ж.Мөнхбат сэтгүүлчдэд мэдээлэл хийлээ. Тэрбээр МАН-аас томилогдсон дэд сайдуудыг хэрхэн шалгаруулж, нэр дэвшүүлсэн болон тэдний танилцуулгийг хийв. Дараагаар нь сэтгүүлчдийн сонирхсон асуултад хариуллаа.

өа

-ХХАА-н дэд сайдад нэр дэвшүүлэхэд гурван хүн санал  тэнцсэн гэсэн. Үүнийг хэрхэн зохицуулсан бэ?

өа

-ХХАА-н дэд сайдад нэр дэвшүүлэхэд санал тэнцсэн. Тиймээс намын дарга энэ асуудлыг хагалж, шийдвэрлэсэн. ХХАА-н дэд сайд Б.Батзориг 2012 оны УИХ-ын сонгуульд өрсөлдөн Баянзүрх дүүрэгт  МАН-аас хамгийн өндөр санал авч байсан. Ингээд УИХ-ын сонгуулийн тухайн тойрог дээр ахин санал хураалт явагдахад Д.Арвин гишүүн сонгогдон, дараа нь АН-д орж байлаа. Б.Батзориг дэд сайд тухайн үед МАН-д нэг суудал авчрах боломжтой байсан нь нөхцөл шалтгааны улмаас харамсалтай зүйл болсон. Баянзүрх дүүргийг ч сайн удирдсан. Энэ үндэслэлээр нь Б.Батзоригийг дэд сайдад нэрийг нь дэвшүүлсэн.

өа

-Дэд сайдуудын томилгоо хэдхэн хүний шийдлээр явагдлаа, нийт гишүүдийнхээ саналыг сонссонгүй гэх яриа гарч байсан. Энэ талаар?

ө

-Дэд сайдуудын нэрийг дэвшүүлэхдээ намын дүрмийг баримталсан. МАН-ын Удирдах зөвлөлийн шийдвэр гэдэг бол намын дүрмийн дагуу шийдэгддэг. Удирдах зөвлөлийн хурлаар дэд сайдад нэр дэвшсэн 39 хүнийг нээлттэй, ил тод өрсөлдүүлсэн.

ө

-Дэд сайдууд их хэмжээний мөнгө амлаж гарч ирсэн гэж танай намын гишүүдийн дотроос яриа гаргаж байна. Мөнгөгүй хүмүүсээ албан тушаалд томилдоггүй гэх шүүмжлэлд ямар байр суурьтай байна вэ?

ө

-Томилогдсон дэд сайдууд дотор их мөнгө төгрөгтэй хүн ч байхгүй. МАН ямар нэг томилгоо хийхдээ мөнгө нэхэж байгаагүй.

ө

-Дэд сайдуудад ашиг сонирхлын зөрчил бий юу?

ө

-Манай 7 дэд сайдад ямар нэг ашиг сонирхлын зөрчил байхгүй гэж бодож байна.

ө

-Дэд сайдуудын хэд нь мэргэжлийнх вэ?

ө

-Бүгдээрээ салбартаа ажиллаж байсан, дадлага туршлагатай хүмүүс.

б

Н.Энх