Мэдээлэл шуурхай удирдлагын төв хэл яриа, сонсголын бэрхшээлтэй иргэдээс дуудлага мэдээлэл хүлээн авахад бэлэн болжээ. Энэ тухай тус төвийн Олон нийттэй харилцах ахлах байцаагч хурандаа М.Төмөрбаатараас тодрууллаа.

б

-Хөгжлийн бэрхшээлтэй иргэдээс дуудлага авч, үйлчлэх бэлтгэл бүрэн хангагдсан уу?

-Хэл яриа, сонсголын бэрхшээлтэй иргэдээс дуудлага хүлээн авах боломжгүй байдаг. Иймд бид тэдний дуудлагыг мессежээр хүлээн авахаар ажилласан. Техникийн нөхцөл, мэдээлэл хүлээн авагч алба хаагчид бэлтгэгдсэн байгаа.

ө

-Энэ үйлчилгээ хэзээнээс эхлэх вэ?

-Уг дуудлагыг хүлээн авч, ажиллах дөрвөн албан хаагч хэрэгтэй болоод байгаа юм. Гэхдээ бид алба хаагчдаа тусгай сургалтад хамруулаад бэлтгэсэн. Хууль зүйн яам, ЦЕГ-т энэ албанд ажиллах дөрвөн хүний орон тоо хэрэгтэй байгааг албан ёсоор уламжилсан байгаа. Энэ асуудлыг шийдэж, орон тоо батлаад өгчихвөл үйлчилгээ эхлэхэд бэлэн байна.

ө

-Хэл яриа, сонсголын бэрхшээлтэй иргэдийн судалгааг авсан уу?

-Бид үүрэн телефоны операторуудтай холбогдож 600 гаруй иргэний утасны дугаар авсан байгаа.

ө

Б.Буд