УИХ-ын гишүүн, Сангийн экс сайд Ч.Улаанаас цагийн үеийн асуудлаар зарим зүйлийг тодрууллаа.

х

-Чуулганы хуралдаан дээр Ерөнхий  сайд Ч.Сайханбилэг улс орны өнөөгийн нийгэм, эдийн засгийн нөхцөл байдлыг танилцуулсан. Та Засгийн газрын тэргүүний байр суурьтай санал нэгдэх үү?

-Бид одоо бодит хөрсөн дээрээ буух цаг болсон.  Ер нь 2006-2007 оноос эхлээд Монгол Улс орлогоосоо давж зарлага нэмчихсэн.  Ингээд өнөөдөр зарлагаа даахгүй хэмжээнд хүрлээ.  Бид өнгөрсөн хоёр, гурван жилийн хугацаанд засах гэж их оролдсон.  Харамсалтай нь засах бололцоо олгоогүй.  Өнөөдөр том бүдүүн бүлэг нэгдэж, Засгийн газраа байгуулсан үед хөрсөн дээрээ буух алхамаа хийх нь зөв.  Тэгж байж бид цаашид зөв явна.  Хэзээ нэгэн цагт хийгдэх байсан үйл явдал.  Одоо хийх санаачлага гаргаж байгааг ч дэмжиж байна.  Тэгэхээр зоригтой л ажлаа хийх ёстой.  Тэгж байж бид цаашдынхаа эрүүл хөрс, зөв замаа сонгоно.  Ний, нуугүй хэлэхэд 2006-2007 оноос  эхэлж бид голланд өвчинд нэрвэгдчихсэн шүү дээ.  Орж ирээгүй гээд л байдаг болохоос биш аль хэдийнэ бий болсон зүйл.

р

-Таны гэр бүлийн хүнтэй холбоотой тендерийн асуудал яригдаад байгаа. Та энэ талаар  тайлбар өгөөч?

-Тэр бол цэвэр гүтгэлэг.  Зориуд зохион байгуулсан ажил гэж би бодож байна.  Ямар үндэслэл, нотолгоо байхгүй.  Тэрийг өгүүлбэр тус бүрээр нь баталж чадна.  Манай гэр бүлийн хүний нэр дээр тийм компани байхгүй.  Өөр хүний нэр дээр байдаг гэж албан ёсоор өөрсдөө зарласан байна лээ.  Энэ бол миний нэр төр, манай гэр бүлийн нэр төр, цаашлаад бизнесийн байгууллагын нэр төрд халдсан бүдүүлэг хэрэг.  Энэ талаар албан ёсны тайлбар шаардана.  Хаанаас ямар улбаатай явж байна гэдгийг би мэдэж байгаа.  Энэ бол явцуу зорилгоор зохион байгуулсан явуургүй үйлдэл.

р

-Энэ яриаг  танай нам дотроос тараасан гэх таамаг байсан. Хэр ортой бол?

-Энэ бол таамаг биш.  Манай нам дотроос гарсан мэдээлэл. Хариуцлагатай хурал дээр анх сэдэгдсэн. Гэрчтэй, протоколтой, эзэн хаягтай ийм л үйл ажиллагаа.  Харин ямар зорилгоор ингэж дуулиан болгов гэдгийг нам дотор ул суурьтай ярих асуудал.  Энэ бол зохион байгуулалттай хийсэн л ажил. Нам дотроос эхэлсэн шүү.

р

-Ерөнхий  сайдын эдийн засгийн зөвлөх О.Чулуунбат  МАХН-аас гарсан гэх мэдээлэл байна.Энэ үнэн үү?

-Энэ талаар дуулаагүй юм байна.

ө

Н.Энх