Белгийн Ерөнхий сайд Шарл Мишелийг Намур хотноо илтгэл тавих үеэр эмэгтэйчүүдийн эрхээ төлөө тэмцэгч “FEMEN”хөдөлгөөний гишүүд майонез цацсан тухай  “puls24.mk” мэдээллээ. Ерөнхий сайд ирэх оноос эхлэн оюутнууд болон хөгжлийн бэрхшээлтэй иргэдэд олгодог урамшууллаа зогсоох болсноо хэлэхэд танхимд байсан тус хөдөлгөөний дөрвөн гишүүн “Шарл Мишел огцор”, “Ядарсан ард түмнээ тайван байлга” хэмээн хашгирч, гартаа байсан майонезаа цацжээ.  Нэг эмэгтэй Ерөнхий сайд руу гутлаа шидсэн ч оноогүй байна. Цагдаа нар танхайн хэргээр дээрх эмэгтэйчүүдийг баривчилжээ.  Өнгөрсөн наймдугаар сард “FEMEN”хөдөлгөөний гурван гишүүн Ерөнхий сайдын машин руу улаан өнгийн будаг цацаж байсан юм.

Б.Дэлгэрцэцэг