Монгол Улс Үндэсний эрх чөлөө, тусгаар тогтнолоо сэргээн тогтоосны  103 жил, Нийслэл хотын 375 жил, Ардчилсан хөдөлгөөний 25 жилийн ойг тус тус тохиолдуулан өнөөдөр Монгол Улсын Ерөнхийлөгч Ц.Элбэгдоржийн зарлигаар улс төр, урлаг, спорт, соёл, боловсрол, хөдөө аж ахуйн салбарт үр бүтээлтэй ажилласан хүмүүст төрийн өндөр дээд  одон  медаль гардууллаа. Энэ үеэр Монгол Улсын Ерөнхийлөгчөөс шагнал хүртсэн зарим хүмүүсийн сэтгэгдлийг сонслоо.

й

Соёлын гавьяат зүтгэлтэн, сэтгүүлч Б.Ганчимэг

a

Би сэтгүүл зүйн салбарт 20 орчим жил ажиллаж байна. Өнгөрсөн хугацаанд өдөр тутмын сонинд ажиллаж байгаад одоо “Open door” долоо хоногийн чөлөөт хэвлэлийг үүсгэн байгуулаад ажиллаж байна.

a

Сониныхоо хамт олонд маш их баярлалаа. Өнөөдөр их сайхан өдөр байна. Сэтгүүл зүйн салбарын төлөөлөл болгож надад энэ шагналыг өгч байгаад баяртай байна.

a

Эрүүлийг хамгаалахын гавьяат ажилтан Б.Оюунгэрэл

a

Гавьяат эмч цол хүртсэндээ баяртай байна. Хорвоод мэндэлж байгаа шинэ хүнийг аав, ээжээс нь түрүүлж, хамгийн эхэнд тосч авдаг нь эх баригч хүний мэргэжлийн онцлог, бахархал юм.

a

Дөнгөж төрсөн нялх нярай хүүхдийг харах үнэхээр гоё байдаг.

a

Хүний гавьяат эмч Б.Болдсайхан

a

Социализмийн үеийн сумын эмнэлгээс эхлээд өдийг хүртэл эрүүл мэндийн салбарт ажиллаж байна. Намайг биш, миний үеийнхнийг, миний үеийн эмч нарыг, баг хамт олныг маань төлөөлүүлж намайг шагнасан гэж бодож байна. 1988-2000 оны хооронд амаргүй жилүүд байлаа.

a

Одоогийнх шиг MRI аппарат байтугай эм тариа олддоггүй, бензин олддоггүй үе байсан. Нийгмийн тэр хэцүү үеийг даван туулж, одоогийн залуучуудтай цуг ажиллаж байна.  Миний үеийн эмч нарыг төлөөлүүлж энэ шагналыг өгч байгаад баяртай байна.

a

Гавьяат тамирчин Б.Болдбаатар

s

Монгол Улсын гавьяат тамирчин цол хүртсэндээ баяртай байна. Амжилт хүнд амархан ирдэггүй.

a

Тэр дундаа манай тамирчид хөдөлмөр, хөлс, хүчээ шавхаж ялалтад хүрдэг.

aa

Гавьяат дасгалжуулагч Ц.Хосбаяр

s

Би маш их баярлаж байна. Өөрийн шавь 19 настай охинтойгоо хамт шагнуулах сайхан байна. Маш их урам, эрч хүч өглөө.

C.Цэрэнчимэд маань 12 настайгаасаа миний удирдлагад явсан. Шавьтайгаа цуг Гавьяат цолоор шагнуулсан тохиолдол бараг байхгүй байх.

a

Гавьяат тээвэрчин И.Рэнцэндорж

a

Би жолооч хүн.  Улаанбаатар хотын нийтийн тээврийн үйлчилгээнд 30 гаруй жил явсан.

a

Өнөөдрийн энэ шагнал бол алтан шар замын, хамт олны минь хүч, хөдөлмөр, хамтын бүтээл.

a

Гавьяат тамирчин С.Цэрэнчимэд

s

Монгол Улсын төрийн тэргүүнээсээ гавьяат тамирчин цол хүртсэндээ баяртай байна. Улс эх орныхоо нэрийг тив дэлхийд өндөр өргөсөн хичээл зүтгэлийг минь өнөөдөр үнэлж байна. Гавъяат тамирчин болсноор цаашид улам илүү их хичээх үүрэг даалгавар давхар өглөө. Олимп, дэлхийн аваргад дахин алдраа цуурайтуулж Монголынхоо ард түмэнд төрийн дуулалаа дахин, дахин сонгох болно гэдгээ амалъя.

a

Монголын чөлөөт бөхийн холбоо, үндэсний шигшээ баг, “Алдар” спорт хороо, Х.Бат-Эрдэнэ ахдаа, бэлтгэл хангагч нартаа баярлалаа. Анхны багш Ц.Хосбаяр дасгалжуулагчтайгаа хамт шагнал авсандаа баяртай байна. Мэдээж энэ бол спортын салбарт ховор тохиолдол байх. Багшийн минь олон жилийн нөр их хөдөлмөрийг өндрөөр үнэлсэнд маш их баярлалаа. Олон сайхан шавь нар нь үе үед алдрыг нь цуурайтуулна гэдэгт итгэлтэй байна.

a

Н.Энх

П.Наран