Холливуудын нэрт жүжигчин Брэд Питт “Palm Springs International Film Festival Gala” наадамд урилгаар оролцох үедээ байдалд оржээ. Брэд энэ оны шилдэг залуу уран бүтээлчийг танилцуулахаар тайзан дээр гарахдаа зүүн гарынхаа чигчий, ядам, дунд хурууны хумсыг будсан байжээ.

Брэд хумсаа будсан шалтгаанаа “Охидууд минь унтсан хойгуур хумсыг минь будаж дээ. Би өглөөнөөс хойш завгүй байсан учир хумсаа ч харж амжсангүй. Ямар их ичиж байна аа. Аавыгаа хөөрхөн харагдуулсан охиддоо баярлалаа” гэж хэлжээ.
Мөн тэрбээр эхнэр Анжелина Жолигийн найруулсан “Unbroken” киноны нээлтийн үеэр зүүн гарынхаа чигчий хурууг будсан байсан юм.

Б.Дэлгэрцэцэг