“Шинжээчид дүгнэлтийг завааруулсан”
Найз бүсгүйгээ 48 цагийн турш зодож амь насыг хохироосон гэх хэрэгт сэжиглэгдэн шалгагдаж байсан Г.Алтанхүүд холбогдох хэргийг Дүүргийн эрүүгийн хэргийн анхан шатны нэгдүгээр шүүхэд өчигдөр хэлэлцэж шийдвэрлэжээ.
Шүүхээс Г.Алтанхүү нь талийгаачийг зодож бие махбодид нь санаатайгаар хөнгөн гэмтэл учруулсан нь талийгаачийн үхэлд шалтгаант холбоогүй байна гэж шүүх дүгнэжээ. Учир нь талийгаачийн биед учирсан хөнгөн гэмтлийн улмаас цөсний суваг, хүүдийн хананд гэмтэл учирсан болох нь задлан шинжилгээний дүгнэлт, эд эдсийн макро микро шинжилгээний дүгнэлтүүдээр тогтоогдоогүй аж.
б
Ингэснээр сэжигтэн Г.Алтанхүүд Эрүүгийн хуулийн тусгай ангийн 98 дугаар зүйлийн 98.1 буюу бусдын бие махбодид санаатайгаар хүндэвтэр гэмтэл учруулсан гэмт хэрэг үйлдсэн гэм буруутайг тогтоож, гурван жилийн хугацаагаар хорих ялыг жирийн дэглэмтэй хорих ангид эдлүүлэхээр шийдвэрлэжээ. Ингэхдээ Эрүүгийн хуулийн 59 дүгээр зүйлийн 59.1-т заасны дагуу Шүүх цагдан хоригдсон хугацааг шүүгдэгчийн ял эдэлсэн хугацаанд оруулж тооцох юм.
б
Дөрвөн удаа шинжээчийн дүгнэлт гарчээ
а
Дүүргийн нэгдүгээр прокуророос Г.Алтанхүүг 2013 оны 10 дугаар сарын 4-5-ны үед СБД-ийн 10 дугаар хорооны 21 дүгээр байрны 12 тоот өөрийн хамтран амьдрагч Б.Цэдэн-Ишийг зодож, бие махбодид нь хүндэвтэр гэмтэл учруулсан.
Мөн 2013 оны 11 сарын 3-12-ны өдрүүдэд дээрх байранд хамт байхдаа маргалдаж, талийгаач Б.Цэдэн-Ишийг зодож хөнгөн зэргийн гэмтэл санаатайгаар учруулсны улмаас олон эрхтний дутагдалд оруулж, амь насыг хохироосон гэх хоёр үйлдэлд прокуророос яллах дүгнэлт үйлдэж, шүүхэд шилжүүлэн ирүүлсэн тухай Дүүргийн эрүүгийн хэргийн анхан шатны шүүхийн Олон нийттэй харилцах мэргэжилтэн Л.Мөнхтуяа мэдээллээ.
б
Талийгаач Б.Цэдэн-Ишийн цогцост хийсэн 2013 оны 12 дугаар сарын 17-ны өдөр Шүүхийн шинжилгээний үндэсний хүрээлэнгийн шүүх эмнэлгийн задлан хийсэн 1944 дугаартай дүгнэлт, 2013 оны 12 дугаар сарын 16-ны өдрийн 1956 тоот дүгнэлтүүдээр “талийгаачийн биед үүсгэгдсэн хүндэвтэр, хөнгөн зэргийн гэмтэл нь үхэлд нөлөөлөхгүй. Талийгаач хордлогын гаралтай элэгний эд цөсний цорогны үрэвслийн улмаас элэг бөөрний дутагдалд орж нас барсан” гэсэн дүгнэлт гарсан аж.
ө
Харин дараагийн удаад буюу 2014 оны хоёрдугаар сарын 19-ны өдөр шинжээчдийн бүрэлдэхүүн талийгаачийн цогцсыг оршуулсан газраас нь гаргаж, шинжилсэн гэнэ. Шинжээчдийн 54 тоот дүгнэлтээр “Дээрх дүгнэлтүүдийг үгүйсгээгүй боловч талийгаач нь согтууруулах ундааны зүйл хэтрүүлсэн хэрэглэснээс элэг цөсний эдийн үхжил үүссэний суурин дээр доргилт гэмтлийн улмаас цөсний суваг, хүүдийн хана гэмтэж цөс шүүрсэн” гэсэн дүгнэлт гаргасан байдаг аж.
б
Ийнхүү шинжээчийн дүгнэлт тодорхой бус байсанд шүүх хурлыг хойшлуулж, шүүхээс нэмэлт шинжээч томилж шинжилгээ хийлгэхэд “талийгаачийн биед гэмтлийн хөнгөн зэрэгт хамаарах дээрх гэмтлүүд нь дангаараа цөсний ханын гэмтэл үүсгэхгүй болно. Эдгээр гэмтлүүдээс хэвлийн цээжний доргилт үүсгэсэн эсэхийг тогтоох боломжгүй байна” гэж дүгнэсэн гэж мэдээлэв. Ингэснээр нийт дөрвөн удаа шинжээчийн дүгнэлт гарсан байна.
ы
“Бид давж заалдана”
х
Анхан шатны шүүхийн шийдвэрийг хүлээн зөвшөөрөхгүй тохиолдолд 14 хоногийн дотор Эрүүгийн хэргийн давж заалдах шатны 10 дугаар шүүхэд давж заалдах эрхтэй юм. Бид хохирогчийн өмгөөлөгчидтэй утсаар холбогдож тэдний байр суурийг сонслоо.
б
Өмгөөлөгч Д.Сайнзаяа
ө
"Бид гомдолтой байгаа. Шинжээчийн дүгнэлтэд гадны нөлөөллийн улмаас гэмтсэн нь талийгаачийн үхэлд нөлөөлсөн гэснийг шүүх харгалзаж үзсэнгүй. Хуулийн хугацаанд давж заалдах шатны шүүхэд өргөдөл гаргана".
ө
Өмгөөлөгч Н.Арвинтариа
б
"Бид анхан шатны шүүхийн шийдвэрийг хүлээн зөвшөөрөхгүй байгаа. Давж заалдах шатны шүүхэд хандана. Шүүх эмнэлгийн шинжээчид наад дүгнэлтийг чинь юу ч үгүй завааруулаад хаячихсан юм" гэсэн хариултыг өгсөн.
б
Өнгөрөгч онд уг хэрэгт холбогдуулан Шүүх эмнэлгийн нэр бүхий эмч нарт эрүүгийн хэрэг үүсгэн шалгаж байсан.ө
Б.Буд
СЭТГЭГДЭЛ БИЧИХ