Зам тээврийн сайд асан А.Гансүхийг иргэн Л.Даваапил "Самсунг" компанитай Ухаахудаг-Гашуунсухайтын чиглэлийн төмөр замын суурь бүтцийг барих ажил гүйцэтгүүлэх гэрээ байгуулахдаа албан тушаал, эрх мэдлээ хэтрүүлэн хэрэглэж, 3.6 тэрбум төгрөг завшсан гэх утга бүхий мэдээллийг өнгөрсөн 2013 оны 12 дугаар сарын 23-нд твиттер хуудсаар тараасан.

б

Тэгвэл А.Гансүх өөрийг нь гүтгэсэн гэж цагдаагийн байгууллагад хандсанаар эрүүгийн хэрэг үүсгэн шалгаж прокурорт шилжүүлж, прокуророос өнгөрсөн дөрөвдүгээр сард яллах дүгнэлт үйлдэн шүүхэд шилжүүлснийг өнөөдөр Дүүргийн эрүүгийн хэргийн анхан шатны нэгдүгээр шүүхэд хэлэлцэн шийдвэрлэжээ.

Шүүхээс иргэн М.Даваапилд бусдыг гүтгэж, нэр төрд халдсан буруутай хэмээн үзэж хөдөлмөрийн хөлсний доод хэмжээг 51 дахин нэмэгдүүлсэнтэй тэнцэх хэмжээний мөнгөн торгууль оногдуулсан байна.

ө

Мөн дээрх асуудлаар А.Гансүх хандсан. Харин АТГ-аас уг хэргийг шалгаж, "БНСУ-ын "Самсунг" компанитай Ухаахудаг-Гашуунсухайт чиглэлийн төмөр замын суурь бүтцийг барих ажил гүйцэтгүүлэх гэрээ байгуулахдаа А.Гансүхийг албан тушаал, эрх мэдлээ ашиглаагүй, хөрөнгө мөнгө завшсан гэх үндэслэл тогтоогдоогүй" хэмээх хариуг өгсөн байдаг.

б

Б.Буд