Германы Канцлер Ангила Маркель Их Британийн Ерөнхий сайд Дэвид Камерон нар уулзжээ. Тэд Баруун Африкийн орнуудад дэгдээд буй эбола вирусын тухай болон Орост тавьж буй эдийн засгийн хоригийн асуудлаар байр сууриа солилцсон тухай “www.dailymail.co.uk” мэдээллээ. Оросын Засгийн газрын эсрэг АНУ, Их Британи тэргүүтэй 17 орон эдийн засаг, нефть, виз, худалдааны салбарт хориг тавиад буй.  Энэ долоо хоногийн эхээр Францын Ерөнхийлөгч Франсуа Олланд Европын орнуудын удирдлагуудад хандаж Оросын эсрэг хэрэгжүүлж буй хоригоо цуцлахыг хүссэн билээ.
Канцлер Украины хямралд Оросыг буруутгах баримт хангалттай байхгүй гэдгийг хүлээн зөвшөөрч, “Их 7”-ын уулзалтыг хугацаанаас нь өмнө зохион байгуулах хүсэлтийг Камеронд тавьсан байна.

Энэ сарын 15-нд Казакстаны Астана хотноо Европын холбооны тэргүүлэгч орнуудын төлөөлөгчид Украины хямралын асуудлаар уулзах юм. Энэхүү уулзалтад ОХУ-ын Ерөнхийлөгч В.Путин болон Гадаад хэргийн сайд Сергей Лавров оролцоно гэж “Ройтерс” агентлаг мэдээлжээ.

Б.Дэлгэрцэцэг