Украины зүүн хязгаарт хяналтаа тогтоохыг санаархаж буй салан тусгаарлагчид армийнхантай буудалцжээ. Буудалцааны үеэр энгийн гурван иргэн амиа алдаж, армийн 11 дайчин шархтсан хэмээн “www.dailymail.co.uk” мэдээллээ. Салан тусгаарлагчид “эхэлж армийнхан гал нээсэн” гэжээ.

АНУ-ын удирдлагууд энэхүү хэргийг шалгаж, хэрэгтнүүдийг олохыг Петр Порошенкогоос шаардсан байна. Өнгөрсөн оны сүүлээр Засгийн газар салан тусгаарлагчидтай хэлэлцээр хийж, чимээгүй өдрийг хүртэл зохион байгуулсан юм. Энэ өдөр армийнхан болон босогчид галт зэвсгээсээ татгалзсан билээ.

Хэдхэн өдрийн дараа Казахстаны нийслэл Астана хотноо Европын удирдлагууд Украины асуудлаар хуралдах билээ. Энэхүү хуралдаанд Донецк мужийн тэргүүн Александр Захарченко оролцоно гэж Украины хэвлэлүүд мэдээлж байна. 

Б.Дэлгэрцэцэг