Дорнод аймгийн Мэргэжлийн хяналтын газрын байцаагчид энэ сарын 3-7-ны өдрүүдэд нутаг дэвсгэртээ шалгалт хийжээ.  Шалгалтаар Чойбалсан сумын нутаг дахь Хөх нуураас хууль бусаар загас барьсан хятад иргэнийг илрүүлж,  384 мянган төгрөгийн торгууль, 1.296 мянган төгрөгийн нөхөн төлбөр ногдуулжээ. Тэрбээр тус аймгийн нутагт үйл ажиллагаа явуулдаг Шанлун ХХК-ийн ажилтан бөгөөд нуураас 108 мөнгөлөг хэлтэг загас барьсан байжээ. Хууль бусаар барьсан загасыг хурааж Хэрлэн суманд хүлээлгэн өгсөн байна.