Иракийн хэт даврагч “Халифын вант улс” бүлэглэлд Австрали, Их Британи улсын иргэдээс гадна ОХУ-ын хоёр иргэн элссэн тухай “www.dailymail.co.uk” мэдээллээ.  Хэт даврагчид өчигдөр Сирийн хоёр иргэнийг цаазалсан байна. Хэт даврагч болсон оросын иргэдийн нэг нь 12 настай аж. 12 настай Мамауев Жамбулат Юесенажовч болон 32 настай Ашимоу Сергей Никролавуч нар Сирийн иргэдийг цаазалж буй дүрс бичлэгээ олон нийтийн сүлжээнд байршуулжээ.  

Тэд “Бид дөнгөж эхэлж байна. Барууны орнууд агаараас өгч буй цохилтоо зогсоохгүй бол бид Сири, Ирак, Йордоны иргэдийг устгах болно” гэж хэлжээ. НҮБ-ын Аюулгүй зөвлөл хэт даврагч болсон Орос иргэдийг хэзээ Иракт ирснийг тодруулахаар ажиллаж эхэлсэн байна. 

Б.Дэлгэрцэцэг