Монгол Улсын хүн амын тоо 2014 оны эцэст 2995949 болж, өмнөх оныхоос 65672 хүн буюу 2.2 хувиар өсчээ. Улсын хэмжээнд 82839 хүүхэд төрсөн байна. Ингэснээр өнгөрөгч онд манай улсын түүхэнд хамгийн олон хүүхэд мэндэлсэн байна. Энэ тухай Үндэсний статистикийн хорооноос "Манай улсад өмнө нь хамгийн олон буюу 79780 хүүхэд 2013 онд төрж байсан. Харин өнгөрч буй 2014 онд 82 мянган хүүхэд мэндэллээ. Сүүлийн жилүүдэд төрөлт нэмэгдэж байгаа" гэж мэдээллээ.

ө

Өнгөрсөн онд нийт 82839 хүүхэд төрсний 1124 буюу 1.4 хувь нь гадаадад төрж, эх орондоо ирээд бүртгэл хийлгэсэн аж. Харин Эрүүл мэндийн яамнаас өгсөн тоо судалгаагаар 81715 хүүхэд Монголдоо мэндэлсэн байна. Өмнөх оныхоос амаржсан эхийн тоо 1857 буюу 2.3 хувиар, хүүхдийн тоо 1935 буюу 2.4 хувиар өсчээ.

ө

Б.Хүлэг