Ромын хамба ламтан Францис Филиппинд хийж буй шашны айлчлалынхаа үеэр Парисын халдлагын золиос болж, амиа алдсан “Charlie Hebdo” сонины сэтгүүлчдийн гэр бүлд эмгэнэл илэрхийлсэн байна. Энэхүү эмгэнэлийн дараа Филиппиний нийслэл Манила хотноо Парисын халдлагыг эсэргүүцэж, олон мянган иргэн жагсчээ.  Жагсаалыг нэн даруй тарахыг Францис хүсч, эвтэй байхыг уриалсан тухай “www.dailymail.co.uk” мэдээлэв.

Тэрбээр “Ойрхи Дорнодод хяналтаа тогтоохыг санаархаж буй хэт даврагчид барууны орнуудыг заналхийлж, айлгах боллоо. Бид тэднээс хүчтэй гэдгээ мартах учиргүй. Өнөөдрөөс эхэлж олон улс хэт даврагчдын далавчийг таслах хэрэгтэй. Тэдний далавч, хүчтэй аварга болохоос өмнө тасдах хэрэгтэй” гэж хэлжээ. Францисын айлчлалын үеэр Филиппиний удирдлагууд Манила хотыг хааж, хаа сайгүй хамгаалалт гаргасан юм.

Өнгөрсөн оны дундаар хамбатан Иракт айлчлах хүсэлтээ гаргасан билээ. Тэрбээр Манила хотын их сургуульд зочлох үеэрээ “Иракт айлчлах миний мөрөөдөл. Би хэт даврагчид хэр хүчтэй болсныг өөрийн нүдээр харахыг хүсч байна” гэсэн байна.

Б.Дэлгэрцэцэг