УИХ-ын чуулганы энэ өдрийн нэгдсэн хуралдаан эхэллээ. Өнөөдрийн хуралдаанаар хэлэлцэх асуудал өөрчлөгдсөн.  Өнөөдөр Төсвийн тогтвортой байдлын тухай хуулинд нэмэлт өөрчлөлт оруулах хуулийн төслийн анхны хэлэлцүүлгийг хийх төлөвлөгөөтэй байсан. Гэвч Төсвийн байнгын хорооны хуралдааны үеэр МАН-ынхан уг асуудлаар тав хоногийн завсарлага авснаар хойшлогдлоо.

ө

Харин өнөөдрийн чуулганаар Өргөдлийн байнгын хорооны даргыг сонгох асуудлыг хэлэлцэн шийдвэрлэнэ. Уг байнгын хорооны даргад УИХ-ын гишүүн О.Баасанхүүгийн нэрийг дэвшүүлж, байнгын хорооны гишүүд дэмжээд буй юм. Үүнээс гадна чуулганы хуралдаанаар

• Үндсэн хуулийн цэцийн 2014 оны 08 дугаар дүгнэлтийг танилцуулах;
• Дэд хорооны бүрэлдэхүүнд өөрчлөлт оруулах тухай;
• “Тогтоолын хавсралтуудад нэмэлт, өөрчлөлт оруулах тухай” Улсын Их Хурлын тогтоолын төсөл /Засгийн газар 2014.05.23-ны өдөр өргөн мэдүүлсэн, Гацууртын ордын тухай, анхны хэлэлцүүлэг/-ийг хийх юм. Одоо Үндсэн хуулийн дүгнэлтийг Үндсэн хуулийн цэцийн гишүүн Д.Сугар танилцууллаа. Үндсэн хуулийн дүгнэлтийн талаар гишүүд асуулт асуусангүй. Чуулганы хуралдаан үргэлжилж байна.

б

В.Бат