“Charlie Hebdo” сонины нүүрэнд дахин заларсан их зөнч Мухаммедийн шог зургаас болж Йемений нийслэл Санаа хотын иргэд эмх замбараагүй байдал үүсгэв. Жагсагчид гартаа “Чарлье зогс” хэмээн бичсэн лоозон барьцгаажээ. Харин хэсэг жагсагч Санаа хотноо үйл ажиллагаагаа явуулдаг 10 гаруй сонин, сэтгүүлийн байр руу халдаж, их хэмжээний хохирол учруулсан байна. Жагсагчид Санаа хотын төв хэвлэлийн байрыг бүхэлд нь шатааж, таван сэтгүүлчийн биед ноцтой гэмтэл учруулсан гэж “www.dailymail.co.uk” мэдээллээ.

1

Хэвлэлийн байр руу халдсан шалтгаанаа жагсагчид ““Charlie Hebdo” сонины болчимгүй үйлдлийг Йемений хэвлэлүүд өөгшүүлж байна. Тэд их зөнчийн нэр хүндийг хамгаалахын оронд, барууны хэвлэлүүдийг даган дуурайж байна” гэж хэлжээ.

Нигерийн нийслэл Абужа хотноо жагсагчид Францын төрийн далбааг шатааж, эсэргүүцлээ илэрхийлсэн байна. “Charlie Hebdo” ирэх сард гарах шинэ дугаартаа Иракийн хэт даврагч “Халифын вант улс” бүлэглэлийн тэргүүн Бакар аль Багдадигийн зургийг дахин нийтлэхээ мэдэгдсэн юм.

1

Б.Дэлгэрцэцэг