Их Британийн угсаа залгамжлах ханхүү Жорж Александр Луигийн ээж, гүнж Кейт Миддилтон өчигдөр Лондон хотноо байрлах хатан хаан II Элизабетийн нэрэмжит тусгай сургуульд зочилжээ. Тэрбээр сургуулийн захиргааны ажилчидтай уулзсаны дараа хүүхдүүддээ уулзсан байна. Гүнжтэн хүүхдүүдтэй уулзах үедээ аргагүй байдалд орсон тухай “www.dailymail.co.uk” мэдээллээ.

Кейтээс тэргэнцэртэй нэг охин “Намайг уучлаарай гүнжтээн. Танаас нэг зүйлийг гуйхыг минь зөвшөөрөөч. Та гэдсээ шалгуулж болох уу. Манай найзууд таныг жирэмсэн, жирэмсэн биш гэх юм. Энэ мэдээллийг баттай болгохыг хүсч байна” гэж хэлжээ. Охиныг ийнхүү хэлсний дараа гүнжтэн өвдөглөж суугаад түүний гарыг гэдсэндээ хүргэжээ. Охин гүнжийн гэдсийг тэмтэрч үзээд “Хүүхэд байна” хэмээн хашгирчээ.

Өнгөрсөн оны сүүлээр хэвлэлүүд гүнжийг ихэр хүүхэд тээж байгаа хэмээн бичих болсон билээ. Ордноос гүнжийг жирэмсэн болсныг өнөөдрийг хүртэл батлаагүй байгаа юм. Гүнжийг дөрвөн сарын эхээр амаржина гэж Британийн хэвлэлүүд мэдээлэх болсон байна.

Б.Дэлгэрцэцэг