Барилга, хот байгуулалтын сайд Д.Цогтбаатар  НҮБ-ын Олон улсын хөдөлмөрийн байгууллагын Монгол, Хятад Улс хариуцсан газрын захирал ноён Тим Дэ Мэйэрийг өнөөдөр хүлээн авч уулзлаа.

й

"Барилгын салбарт хийх гол ажлын нэг маань хөдөлмөрийн аюулгүй байдлыг хангуулах явдал юм. Ингэхийн тулд хууль тогтоомжийг сайжруулахаас гадна  барилгын салбар дахь аюулгүй ажиллагаа, эрүүл мэндийн тухай НҮБ-ын 167-р конвенцод нэгдэн ороход та бүхний дэмжлэг хэрэгтэй байна. Түүнчлэн суурь судалгаа хийх, техникийн туслалцаа үзүүлэх, одоо  мөрдөж байгаа хууль тогтоомжид нийцүүлэхэд олон улсын экспертүүдээс  зөвлөгөө авах нь чухал  байна" гэж сайд Д.Цогтбаатар хэлэв.

й

Ноён Тим Дэ Мэйэр 'барилга, хот байгуулалтын яамны шинэ бүтцэд  аюулгүй ажиллагааг хариуцсан тусгай газар байгуулж байгаа нь энэ салбарт тулгамдсан асуудлыг шийдэх том шийдэл болно. Мөн Монгол Улсад уул уурхайн салбар дахь  барилга байгууламжийн аюулгүй ажиллагаа ч чухал болохыг тэмдэглээд хамтарч ажиллахаар санал болгосон хүсэлт бүрийг хэрэгжүүлэхийн төлөө ажиллана" гэлээ.

ы

П.Наран