Шилэн дансны хууль энэ сарын нэгнээс хэрэгжиж эхэлсэн. Үүнтэй холбогдуулан УИХ-ын үйл ажиллагааг шилэн болгох санаачилгыг спикер гаргасан. Тэрбээр чуулганы хуралдаан дээр "УИХ-ын гишүүдийн ирцийг камераар харуулна. Цагтаа хэн ирсэн, хэн ирээгүйг хүн бүхэн харна. Хариуцлагаа тэгж л эхэлье" хэмээн мэдэгдсэн. Мөн өдөр бүр гишүүдийн ирцийн мэдээллийг гаргахаар болсон. Тэгвэл УИХ-ын гишүүдийн энэ өдрийн ирцийн мэдээлэл гарчээ. Нийт 76 гишүүний 12 нь хөдөө, гадаадад томилолттой, чөлөөтэй шалтгаанаар ажилдаа ирээгүй байна. Харин УИХ-ын гишүүн Д.Хаянхярваа ажлаа тасалжээ. Тэрбээр ямар ч чөлөө зөвшөөрөл, томилолтгүйгээр Арабд яваа бололтой.