Монгол Улсын сая дахь иргэн энэ сарын дундуур мэндэлнэ гэсэн урьдчилсан тооцоог хийгээд буй. Тэгвэл Монгол Улс гурван сая иргэнтэй болсныг бэлгэдэх лого батлагджээ. Уг логоны бэлгэдэл нь:

• Монгол Улсын 3 сая дахь иргэн дэлхийн бөмбөрцгийн хаана ч тодорч болохыг илэрхийлэх үүднээс  дэлхийн бөмбөрцгийг дэвсгэр болгон зурсан.

• Бөмбөрцөг дотор бие бие дээ багтсан гурван хүнийг харуулсан нь хүүхэд гэр бүлд өсч хүмүүжих, 3 сая дахь иргэн маань  бие бялдрын хувьд өсч том болсон ч Монгол Улсын 3 сая дахь иргэнээр мөнхөд алдаршиж үлдэж байгааг илэрхийлнэ гэсэн хоёр утгатай.

• Амуу буудайгаар хүрээлүүлсэн нь хүн ам өсч олуулаа болохыг илэрхийлж буй аж.