Иракийн хэт даврагч “Халифын вант улс” бүлэглэл Японы иргэдийг барьцаалснаа мэдэгдсэн билээ. Тэд барьцааны иргэдээ аврахын тулд Японы Засгийн газрыг 72 цагийн дотор 200 сая ам.доллар төлөхийг шаардсан юм. Олон улсын хэвлэлүүд өчигдөр дээрх барьцааны иргэдийг амиа алдсан хэмээн мэдээлсэн билээ. Тэгвэл “Барьцааны иргэд амиа алдаагүй” гэж тэднийг цаазлахаа мэдэгдсэн хэт даврагч Жон гэгч фэйсбүүктээ бичсэн тухай “www.dailymail.co.uk” мэдэгдлээ. Тэрбээр “Маргаашийн дотор Японы Засгийн газар мөнгө өгөхгүй бол тэд бусад шиг үхэх болно” гэжээ.

1

Японы Ерөнхий сайд Шинзо Абе “Хэт даврагчдын санал болгож буй мөнгийг төлж, иргэдээ аврах болно. Барьцаалагчидтай хэрхэн хэлэлцээр хийхээ сайн мэдэхгүй байна. Барьцаалагдсан иргэдээ буруутгах нь болчимгүй хэрэг. Би тэдний төлөө бүхнийг хийх болно” гэж мэдэгджээ. Японы угсаа залгамжлах ханхүү Нарухито өчигдөр Батлан хамгаалахын сайд, Гадаад хэргийн сайд нараа хүлээн авч уулзаж, барьцаалагдсан иргэдийн асуудлаар ярилцсан тухай “HNK” агентлаг мэдээллээ.

1

Б.Дэлгэрцэцэг