Ерөнхий сайд Ч.Сайханбилэг эхнэр О.Байгальтайгаа Байгаль нуурын эрэг дээр танилцаж байжээ. Энэ тухай түүний гэргий О.Байгаль нэгэн хэвлэлд өгсөн ярилцлагандаа дурссан байна. Тэрбээр “Би анх нөхөртэйгөө танилцах үедээ “Шүтээн” кинонд тоглочихсон, оюутан гэхэд олонд танигдчихсан байлаа. Бид хоёр 1992 онд Байгаль нуурын эрэг дээр анх танилцсан юм. Жинхэнэ заяаны хань зам дээр танилцсан гэдэг нь болсон. Тэр үед олон залуус эргүүлдэг байсан нь үнэн. Тэдэн дундаас манай хүний ганц үг нь их үнэн санагдсан. “Би чамд өдөр болгон шоколад авч өгч чадахгүй, өдөр болгон чамайг гоё ресторанд хоолонд урьж чадахгүй, өдөр болгон бэлэг сэлт барьж гүйж чадахгүй. Гэхдээ чамайг хайрлаж чадна” гэж хэлсэн. Тэрэн үгэнд нь болоод нураад уначихсан. Одоо манай хүн ингэж хэлж байснаа санадаггүй. Энэ үг л шийдвэр гаргахад хамгийн их нөлөөлсөн гэж би боддог. Тэгээд удаа ч үгүй суусан. Хэдийгээр хорь ч хүрээгүй жаахан байсан ч гэлээ энэ бол миний заяаны хань гэх мэдрэмж надад төрж байсан. Бид хорин хэдэн жил хөтлөлцөж амьдарч байна” хэмээн ярьжээ.

Ямартаа ч, парламентын хамгийн загварлаг хос гэгдэг Ч.Сайханбилэг, О.Байгаль нарын гэр бүл хэн хэн нь алдартай хосуудын нийлбэр. Энэ бол мэдээж хүн болгонд оногддог тавилан биш юм. Тэд хоёр охин, нэг хүүтэй юм билээ.

Б.Одон