Иракийн хэт даврагч “Халифын вант улс” бүлэглэл энэ долоо хоногийн эхээр Японы хоёр иргэнийг барьцаалж, 72 цагийн дотор 200 сая ам.доллар өгөхийг шаардсан билээ. Хэт даврагчид Япон Ерөнхий сайд Шинзо Абег өөрсдийнх эсрэг нэгдсэн хэмээж иргэдийг нь барьцаалсан гэдгээ мэдэгдсэн юм. Токиогийн цагаар өнөөдөр 14.50 цагт барьцааны иргэдийг аврах хугацаа дуусгавар болсон ч хоёр тал харилцан тохиролцоо хийгээгүй байна.

Японы Гадаад хэргийн сайд “NHK”агентлагт “Одоогоор хэт даврагчидтай холбоо тогтоогүй байна. Хэт даврагчдын олгосон хугацаа өнгөрсөн ч хариу байхгүй байна. Ерөнхий сайд шуурхай хуралдаантай байгаа. Тэрбээр ямар нэгэн байдлаар байр сууриа хүрээгүй байна” гэж ярьжээ.

Токиогийн төвд барьцааны иргэдийг эсэн мэнд аврахыг уриалан, тайван жагсаал болж байна.

Б.Дэлгэрцэцэг