Иракийн хэт даврагч “Халифын вант улс” бүлэглэл энэ долоо хоногийн эхээр Японы хоёр иргэнийг барьцаалснаа мэдэгдэж, тус улсын Засгийн газрыг 72 цагийн дотор 200 сая ам.доллар өгөхийг шаардсан билээ. Хэт даврагчдын олгосон хугацаа  Токиогийн цагаар өчигдөр 14.50 минутад дууссан юм. Японы удирдлагууд иргэдээ аврахын тулд барьцааны мөнгө өгөхийг хүссэн ч хэт даврагчидтай холбоо тогтоож чадахгүй байгаагаа мэдэгдээд буй.

ы

“Хугацаа дууссны дараа Токио, хэт даврагчидтай холбоо тогтоох гэж оролдсон. Барьцааны иргэд амиа алдсан эсэх нь тодорхойгүй байна” гэж “NHK” агентлаг мэдээллээ. Японы Ерөнхий сайд Шинзо Абе “Барьцааны иргэд амиа алдаагүй байх. Бид тэдэнтэй тохиролцоо хийхийг хүссэн. Хугацаа өчигдөр дууссан. Гэхдээ хэт даврагчид ямар нэгэн байдлаар бидэнтэй холбоо тогтоохыг оролдохгүй байна. Би хүлээж байна” гэж хэлжээ.

ы

Абег барьцааны мөнгө өгөхгүй байхыг Их Британи, АНУ-ын удирдлагууд сануулаад байгаа. Британийн Ерөнхий сайд “Хэт даврагчдыг давруулах хэрэггүй. Тэдэнд мөнгө өгвөл тэд улам даварч, аль ч улсын иргэнийг барьцаалж, мөнгө нэхэх эрсдэлтэй” гэж мэдэгджээ.

Б.Дэлгэрцэцэг