Барилга, байгуулалтын сайд Д.Цогтбаатар өнгөрсөн хугацаанд үйлдвэрлэлийн ноцтой осол гарсан компаниудын хөдөлмөрийн аюулгүй байдал, эрүүл ахуйн мэргэжилтнүүдийг хүлээн авч уулзсан байна. Салбарын сайд үйлдвэрлэлийн осол гарсан компаниудын ХАБЭА-ын мэргэжилтнүүдийг анх удаа хүлээн авч уулзаж байгаа нь энэ байсан аж. Ингэж уулзсанаар хөдөлмөрийн аюулгүй байдлын асуудлыг шинэчлэн боловсруулж, улсын хэмжээнд мөрдүүлэхээр ажиллаж буй барилгын ХАБЭА-ын журамд тэдний туршлага, саналыг тусгах зорилготой гэнэ.

\

Уулзалтын үеэр БХБ-ын сайд  Д.Цогтбаатар барилгын салбарт хийх гол ажлуудын нэг нь хөдөлмөрийн аюулгүй байдлыг хангуулах явдал гэдгийг онцлоод шинэчлэн боловсруулж буй ХАБЭА-ын журамд тухайн компаниудын сургамж, алдаа дутагдлын мөрөөр авч хэрэгжүүлсэн ажлуудаас санал авч, тусгах саналтай байгаагаа илэрхийлсэн байна. Мөн цаашид барилгын салбарт ажиллаж буй хөдөлмөрийн аюулгүй байдал, эрүүл ахуйн мэргэжилтнүүдийн мэдлэг чадварыг нэмэгдүүлэх, үйлдвэрлэлийн ослоос урьдчилан сэргийлэх, барилгын салбарт эрүүл аюулгүй ажлын байрыг бий болгоход онцгой анхаарч ажиллахаа мэдэгдлээ.

йы

Компаниудын зүгээс одоогийн мөрдөж буй журам, хууль эрх зүйн актад зөрчилтэй байгаа зүйлүүд болон өдөр тутамд тулгардаг бэршээлүүдийн талаар санал бодлоо хуваалцсан байна. Хариуцлагын тогтолцоонд хариуцах эзэн тодорхой болгох,  ослын мэдээллийн талаар олон нийтэд дэлгэрэнгуй мэдээллэдэг байх зэрэг саналуудыг дэвшүүлжээ.

Э.Насан