Иракийн хэт даврагчдын гарт амиа алдсан Японы иргэн Харуна Юкавагийн аав 74 настай Чойчи Харуна өчигдөр хэвлэлийнхэнд ярилцлага өгсөн тухай “www.japantimes.co.jp” мэдээллээ. Тэрбээр “Хүү минь ааваасаа түрүүлж үхэх ёсгүй. Хэвлэлийнхний дамжуулж буй бүх мэдээлэл худлаа байгаасай. Би болон эхнэр минь энэхүү мэдээнд итгэж чадахгүй байна. Дэндүү гашуун мэдээлэл байна. Хэрвээ барьцааны мөнгөнөөс болж хүү минь амиа алдсан бол Засгийн газрыг буруутгамаар байна. Ерөнхий сайд Шинзо Абе ганцхан удаа буулт хийж болоогүй юм уу. Миний гэр бүлийг ямар шалтгаанаар уй гашууд автуулж байгаа юм бэ. Улс төрийн шалтгаанаар хүү минь амиа алдсан бол бүх хариуцлагыг Шинзо Абе хүлээх учиртай. Та болон таны туслахууд хүүг минь аврахад ямар ч туслалцаа үзүүлсэнгүй. Та бүхэн ямар ч гэмгүй хүүг минь үхэл рүү илгээчихлээ. Би харамсч байна” гэж хэлжээ.

1

Харуна Юкаваг цаазалж буй бичлэг “Youtube.com” сайтад нийтлэгдсэний дараа Японы хэвлэлийн ажилчид  “Би бол Юкава”, “Би бол Кенжи” гэх цаас барьцгааж, Ерөнхий сайд Абег тайлбар хийхийг шаарджээ. 2008 оны тавдугаар сард Харуна Юкаваг Сирийн нийслэл Дамаскт сурвалжлага бэлдэхээр очиж байжээ. Тэрээр 2011 оноос эхлэн олон улсын хүмүүнлэгийн байгууллагад гишүүнээр элсч, Сири, Ирак, Йордоны дүрвэгсдэд тусламж үзүүлэх үеэрээ хэт даврагчдад барьцаалагджээ.

1