Грекийн парламентын сонгууль өчигдөр болж өндөрлөсөн тухай “Ройтерс” агентлаг мэдээллээ. Сонгуулийн нэгдсэн дүнгээр парламентын сонгуульд сөрөг хүчин гэгддэг “Сириза”нам нийт сонгогчдын 75 хувийн санал авч ялалт байгуулжээ. Тус намынхан парламентын 300 суудлын 151-д ялалт байгуулж чадсан байна. Намын дарга Алексис Ципрас сонгогчдодоо талархалаа илэрхийлээд “Грек хүчирхэгжих цаг нь боллоо” гэж хэлжээ. Тэрбээр дараагийн Ерөнхий сайд болох нь нэгэнт тодорхой болсон юм.

“Сириза” намтай сонгуульд өрсөлдсөн Ерөнхий сайд Антонис Самарасын тэргүүлдэг “Ардчилсан” намынхан ялагдлаа хүлээн зөвшөөрчээ. Сонгуулийн өмнө “Сириза” нам ялалт байгуулвал Грекийг Европын холбооноос гаргана хэмээн мэдэгдэж байсан юм. Харин тус намын дарга өчигдөр хийсэн мэдэгдлийнхээ үеэр “Грек Европын холбооноос гарах нь хэтэрхий эрсдэлтэй” хэмээн мэдэгджээ.

Б.Дэлгэрцэцэг