Малайзын агаарын тээврийн “Malaysia Airlines” компанийн төв сайтыг хакердсан тухай “www.dailymail.co.uk” агентлаг мэдээллээ. Хакерууд тус сайтад байршсан бүх мэдээллийг устгаснаас гадна ““Malaysia Airlines”-ийн удирдлагууд сураггүй алга болсон “МН370” онгоц, Украины зүүн хязгаарт осолдсон “МН17” онгоцны хариуцлагыг хүлээх хэрэгтэй” гэж бичжээ. Мөн сайтын нүүр хуудсанд тамхи зуусан мэлхийний зургийг нийтэлсэн байна.

Малайзын удирдлагууд дээрх кибер халдлагын цаана “Sony picture”-ийг хакердсан этгээдүүд байж болзошгүй гэж мэдэгджээ. Өнгөрсөн долоо хоногт тус сайтын мэдээлэл болгоны дор“Халифын вант улс” бүлэглэлээс: “Malaysia Airlines” компани “МН17” шиг сүйрэх болно” гэх сэтгэгдэл орох болжээ.

Б.Дэлгэрцэцэг