Монгол Улсын Ерөнхий сайд Ч.Сайханбилэг өнөөдөр МҮОНРТ-ийн шууд ярилцлагад оролцохоор болжээ. Тэрээр тус телевизийн сэтгүүлч Б.Оюунчимэгтэй цаг үеийн асуудлаар ярилцахаар болсон гэдгийг Засгийн газрын Хэвлэл мэдээлэл, олон нийттэй харилцах албанаас мэдээллээ.

Ч.Сайханбилэгийн хувьд Засгийн газраа бүрдүүлээд удаагүй байгаа. Одоогоор зарим яамдын Төрийн нарийн бичгийн дарга нар нь ч томилогдоогүй байгаа юм. Мөн өнгөрсөн долоо хоногт Засгийн газраас оруулж ирсэн төсвийн тодотголыг баталсан. Энэ үеэр Засгийн газар нэлээд шүүмжлэлд өртсөн. Учир нь Засгийн газрыг эх, хүүхдийн мөнгийг танах гэж байна, үүнийхээ оронд өөр зардлыг танах ёстой гэж ярьж, бичиж байв.

Түүнчлэн, Оюутолгойн гэрээнд өөрчлөлт оруулах, Тавантолгойг эдийн засгийн эргэлтэд оруулах хэлэлцээрийг байгуулж байгаа энэ үед тэрбээр ямар бодлого боловсруулсан талаар ярих юм байна.

Б.Одон