Монгол Улсын Ерөнхий прокурорын томилгоо хэн хүний анхаарлын төвд байна.  Ерөнхий прокурор Д.Дорлигжав Хуульзүйн сайдаар томилогдсон. Тиймээс Ерөнхий прокурорын үүрэг гүйцэтгэгчийг Төрийн хууль цаазын шадар зөвлөх Г. Эрдэнэбат  гүйцэтгэж байгаа.

d

Харин саяхнаас Улсын Ерөнхий прокуророор томилогдох магадлалтай эрхмүүд яригдах боллоо.  Ерөнхий прокуророор томилогдох магадлал өндөр эрхмийн нэг нь ШШГЕГ-ын дарга, бригадын генерал, “боевик” Б.Билэгт. Тэрбээр өмнө нь  ТЕГ-ын дарга, ЦЕГ-ын даргын албыг хашиж байсан туршлагатай нэгэн. Хэрвээ Ерөнхий прокуророор Б.Билэгтийг томиловол тэрбээр ШШГЕГ-ын даргын ажлаа хүлээлгэн өгөхөд бэлэн байгаа гэх сураг чих дэлслээ. Мөн энэ албан тушаалд АТГ-ын дарга Н.Ганболд, Улсын Ерөнхий прокурорын үүрэг гүйцэтгэгч, Төрийн хууль цаазын шадар зөвлөх Г. Эрдэнэбат  нарын нэр ч явж байна.

d

Хэрвээ Н.Ганболдыг Ерөнхий прокуророор томилогдвол Б.Билэгтийг АТГ-ын даргад томилох хувилбар ч мөн яригдаж байгаа бололтой. Ямартай ч ШШГЕГ-ын даргын ажлыг аваад сар гаруй болж байгаа Б.Билэгт байрнаасаа дахин хөдлөх нь ээ. ЦЕГ-ын даргаасаа буугаад ШШГЕГ-ын даргаар томилогдсон, энэ албаа хүлээж аваад нэг улирал ч болоогүй байтал дараагийн албаных  нь саналууд, Б.Билэгт үнэхээр л албан тушаалын одтой эрхэм юм.

d

Э.Сонор