УИХ дахь АН-ын бүлэг өчигдөр хуралдаад Согтууруулах ундааны хяналтын тухай хуулийн төслийг хууль санаачлагчид нь буцаахаар болсон. Энэ талаар УИХ дахь АН-ын бүлгийн дарга Б.Гарамгайбаатар, дэд дарга С.Одонтуяа нараас тодрууллаа.

a

С.Одонтуяа: “Архийг хориглох тусам сөрөг үр дагавар гардаг гэдгийг харуулсан олон улсын туршлага, бодит сургамжууд бий. Тиймээс УИХ-ын гишүүд энэ асуудалд их болгоомжтой хандаж байгаа. Гэхдээ архитай тэмцэх асуудалд бүгд 100 хувь нэгдсэн. Өнөөдөр архинаас үүдэлтэй хор хохирол, гэмт хэрэг, осол аваар, нийгмийг сэртхийлгэсэн олон хэргүүд гарч байна. Гишүүд хууль гаргах гэж байна гээд амьдралд хэрэгжих боломжгүй, хэт хуурай хууль гаргавал өнөөгийн түвшинээсээ ухрах, далд эдийн засаг,  бүлэглэлийг бий болгочих вий гэдэг асуудалд анхаарч байгаа. Миний хувьд энэ хуулийг өсвөр үе рүү чиглүүлээсэй гэж бодож байна. Өсвөр үеийг архины хор хөнөөлөөс хол байлгах вэ гэдэг асуудал их чухал. Орон сууцны байшингийн доод давхарт баар ресторан ажиллаж, хүмүүсийг амраахгүй байгаа асуудлыг зогсоох хэрэгтэй. Харин төвлөрсөн том дэлгүүрүүдэд камертай, хяналттай, тусгай хаалтны цаана ч юм уу архийг худалдах, эсвэл зөвхөн баар цэнгээний газар дууж бүжиглэх нөхцлийг нь бүрдүүлсэн газар цагдаагийн хяналт тавьж чадах, гэмт хэрэг гарахааргүй орчинд хэрэглэдэг болгох хэрэгтэй байна. Төрийн байгууллагууд өөрсдөө бас энэ асуудалд анхаарч ажлын байрандаа архи уух, хамт олны нэрээр архидах асуудлыг л эсэргүүцэж байна.

a

-УИХ-ын гишүүд шөнө оройн  цагаар хуулт хэлэлцэх үеэр гишүүд хааяа өрөөндөө архи  үнэртүүлсэн тохиолдол байдаг. Гэтэл төрийн аливаа үйл ажиллагаа н дээр ажлын бйаранд ээр согтуу байх нь хэр үлгэр  дууриалал байх юм бол?

a

Б.Гарамгайбаатар: Мэдээж УИХ-ын гишүүн өөрсдийнхөө баталсан  хуулийг дагаж мөрдөх ёстой. Засгийн газраас  өргөн барих гэж байгаа Согтууруулах ундаатай тэмцэх тухай бодлогын баримт бичигт ямар зүйл заалт орж ирэхийг мэдэхгүй байна. Архины тухай хуулийг гаргах нь зөв. Гэхдээ зөв хэлбэр дүрстэй, амьдралд хэрэгжих боломжтой хууль батлахыг хүсэж байна. Тэрнээс  биш урт нэртэй хууль шиг хууль баталчихаад тэрнийгээ хэрэгжүүлж чадахгүй 20-иод жил дамнаад хэрэлдээд яваад байж болохгүй. Тиймээс бодлогын баримт бичигт нийцүүлсэн хууль батлах нь зөв гэж үзээд хууль санаачлагч нь хуулиа татаж авахуулж байгаа юм.

a

П.Наран